Fažo (samo za istrijane, vi drugi n
Ja san Foška, Jurinova šći, i za kakov dan ću se zaručiti za Marka, Franinovega sina. Svi su jako kuntenti ki smo se nas dva namurali.
Jušto danas me je Marko zva da dojden h njemu doma večeras, da je sam, da su mu stariji pošli na put i da će mi prontati - jeno iznenađenje.
Tečući ću poj!
I ča nis, kako za urtu, jušto danas pošla na užinu z Pjerinon, prijateljicon z kancelarije i nažerala san se fažola na padelu.
Ja san napro ingorda na fažo, to mi je najbolja hrana, zasvin ki mi učini slabo, sva se napuhnen,i škužajte na besidi - pokle cili dan prdin.
dojden ja h Marku, a on me zajno u hodniku buki, zaveže mi oči z jenin facolon, da bude iznenađenje još veće. Pak me pelje u primaću kako slipca, nis ni sila kad mi u trbuhu počne kruliti, jedan prdac samo ča mi ni uša van, nikako da ga ferman. Za sriću je zazvonija telefon i Marko je poša u hodnik čakulati, još mi je zavika: "Te vidin, da nebiš kalala faco!" Zaša je z mene prdac, deboto da me je zagušija, mahala san z rukami da se jeno malo prozrači. Dobro da je Marko još telefoniva pak san se nagnula na desni bok i sfuzla još jenega štabelega. Kako da san zdahla na guzicu. Nagla san se na drugi bok i puštila san z sebe jenu mitraljadu od 15 malih prci. Srića i bog da se Marko hlohota z nikin na telefonu. Pak san se čepala z rukami za stolicu i jeno malo digla i spazdila se da su se stakla stresla. Bilo mi je laglje, sad san bila kako nova i pronta za Markova iznenađenja....
"Iš me!" - viče Marko
"Sad ču ti kalati faco z oći da vidiš iznenađenje!"
Kad mi je zmaka faco san i imala ča viti: sva njigova i moja fameja je sidila okolo mene.
